Gizarte Hezkuntzan diplomatua, Familiako Esku Hartze eta Bitartekaritzako graduondokoa du, eta haur eta gazteen aisialdiko zuzendari eta dinamizatzaile sozio-hezitzailearen prestakuntza du. “Adingabeen eta pertsona zaurgarrien aurkako abusu-kasuetan prebentzioa eta esku-hartzea” egiteko espezialista da. EDE Fundazioko Aisialdi eta Animazio Eskola Sozio Komunitarioa koordinatzen du, eta Partaidetza arloko teknikaria da. Denbora Libreko Erakunde eta Eskolen Didania Federazioko Haurren Babeserako lan-batzordeko kide da eta “Babesten: Espazio hezitzaileak -babestutako espazioak, Tratu Onaren alde egiten dugu” gisako jardunaldiak koordinatu ditu. EHUko Haurren eta Nerabeen Tratu Ona eta Babesa Eskolan eta Eremu Sozioedukatiboan graduondoko irakaslea da. Haurrenganako babesari eta tratu onari buruzko taldeen eta sareen prozesuetan lagundu du, prozesuak sustatuz, materialak eskainiz eta erakundeen babeserako politikak eginez. EDE Fundazioan babeserako erreferentea da.
Begoña Ruiz Ibáñez
Psikologian lizentziatua dago eta Gizarte Hezkuntzan jarduteko gaitasuna du. Psikomotrizitateko graduondokoa egin du UNED- Luzaron. Prestakuntza du Haurrentzako Ingurune Seguruetan Espirales C.I.-n. 20 urte baino gehiagoko esperientzia du Bidegintza S.Coop. Kooperatiban Gizarte Hezitzaile gisa, sentsibilizazio, prebentzio eta esku-hartze sozio-hezitzailerako programetan, Haurren Babeserako, Gurasotasun Positiborako eta Tratu Onen Komunitateetarako. Gizarte-erakundeekin, ikastetxeekin, eragileekin eta sareekin lankidetzan aritu da arlo horretan. Praktika Psikomotoreko Nazioarteko Eskolan jaso du prestakuntza eta kolaborazioak egiten ditu psikologiari, hezkuntzari, psikomotrizitateari, haurrenganako babesari, hazkuntzari eta bestelako gaiei buruzko aldizkarietan eta komunikabide dibulgatiboetan. EHUko Haurren eta Nerabeen Tratu Ona eta Babesa Eskolan eta Eremu Sozioedukatiboan graduondoko irakaslea da. Haurren eskubideei, ingurune seguruei, erresilientziari eta tratu onari buruzko hainbat gida eta material sortu eta koordinatu ditu. Eta Bidegintza S.Coop. Kooperatiban haurrak babesteko erreferenteetako bat da. Haurrentzako eremu segurua izateko prozesua berrikusi eta hobetzen du.
