Tratu on proiektuan argi daukagu gure Haurren eta Nerabeenganako Tratu Onaren aldeko apustua gauzatu dadin ezinbestekoa dela esku hartzen duten eta haurrei eta nerabeei laguntzen dieten eragileei laguntzea.
Mimoz egitea gustatzen zaigun konpainia horretan erakunde bakoitzaren errealitatera, testuingurura eta beharretara egokitzen gara, eta Haurren eta Nerabeenganako Babesaren eta Tratu Onaren politikei forma ematen laguntzen dugu, haien erritmoan eta haien lehentasunen arabera.
Gaur Haurren eta Nerabeen Eskubideei buruzko materiala partekatuko dizuegu, erakunde horietako batek eginda.
Eta nondik ateratzen da material hori? Kontatuko dizuegu.
Lanean hasi ginenetik Euskalerriko Eskautak Bizkaiari laguntzen diogu Haurren eta Nerabeenganako Babesaren eta Tratu Onaren politikak garatzen. Hori dela eta, haien babes-ordezkariari egunerokotasunean laguntzen diogu, kontrastea ematen dugu eraikuntza-espazioetan, informazioa ematen diegu… eta gertu gaude Tratu Onari eta babesari lotuta beharko dutenerako.
Haien espazioetako bat «Ingurune Seguruko» mahaia da, laneko espazio bat, non haien taldeetako hainbat pertsonak borondatez hartzen dute parte, politikak eraikitzen ekarpena egiteko: material didaktikoak, arriskuen mapak, sentsibilizazio-kanpainak… espazio honetan antzematen diren beharrak botatzen dira, eta askotariko ideiak lurreratzen dira. Eta bertan, Tratu on-en, mahai horretatik eraikitzen diren ekimenak kontrastatzen, aholkatzen eta laguntzen ari dira.
Azken urte honetan, nola begiraleak hala gazteak sentsibilizatzeko eta tresnak emateko kezkatik, mahai horretan Haurren eta Nerabeen Eskubideak lantzeko jarduerak jasotzen dituen materiala egin dugu. (Material hori gure baliabideen atalean edo haien www.eskaut.bizkaia.org webgunean jaitsi dezakezue).
Material horretan adinen arabera banatutako jarduerak aurkituko dituzue (8 urtetik 18 urtera), eta, jolasen eta taldeko dinamiken bitartez, adingabeek haien eskubideak ezagutu ditzakete, eta honakoei buruz hausnartu: zer egin betetzen ez direnean, zein diren ingurune seguruak, nola tratatzea nahi duten eta nola eskatu laguntza behar izanez gero.
Erabilgarria izatea espero dugu!
A! Eta, egitera ausartzen bazarete, jardueraren argazki bat igotzeko eta bertan etiketatzeko eskatzen dizuegu. Eta, zenbat eta ikusgarritasun handiagoa eman, eta zenbat eta pertsona gehiagorengana iritsi, orduan eta gertuago egongo gara Haurren eta Nerabeen Eskubideak betetzetik.
